Op ‘t Lemkesbâl van V.V. De Schäöpkes van ’t Groenewoud es aafgeloûpe zaoterdig 23 november ’t Jeugdboorebroêdspaar bekintj gemaaktj
23 november het Jeugdboerenbruidspaar bekend gemaakt.
t zeen gewoeëre:

Dylan Groet en Elin Jungheim

‘t Bruûdje Elin woeëntj oppe Slotstraot en es ’n dochter van Dennis Jungheim en Chantal Clerx. ’t Hieëf ‘ne aojere broor Tygo.
Elin es ’n vrolik maegtje det hieël gaer met zien vriendinne beltj. Vastelaovundj veere es zien lust en zien laeve en gae kintj ‘m regelmaotig op ’t tonieël vînge. Verder hultj ’t van Roblox, aafspraeke met kammeräödjes en bowle.
De broêdegom Dylan woeëntj oppe Overmazestraot en es ‘ne zoeën van Marco Groet en Evelien Hanssen. Hij hieëf twieë jonger breurkes Jaylen en Jack.
Dylan kujje regelmaotig inne keûke vînge want bakke en koeëke deut hae hieël gaer. Verder hultj hae van game, Roblox, aafspraeke met kammeräödjes en lekker uut aete gaon.
Ze zitte allebe-j in groep 6 van Baazisschoeël “Aan de Bron”.
’t Broêdspaar kân same heure verjaordaag vere want ze zeen bekans tegeliêk jaorig.
Elin es namelik geboeëre op 14 jannewarie en es 10 jaor en Dylan op 16 jannewarie en es 9 jaor.
Op 08-02 a.s. zölle ze inne onecht waere verbônge doeër Jeugdpreens Tijn I.
Vae wille uch dan ouch van herte uutnuuëdige um dit fieëst same met os te kaome veere. De aovundj begintj um 19.11 oor en deurtj tot 23.00 oor.

Dit alles zâl plaats vînge in Gemeinschapshoês Groenewoud, Kesselstraot 28
De entree es gratis!!