Allerieërste Landvrâwe 2025!
Ónger groeëte belangstelling és op zaoterdig 23 november 2024 de ieërste Landvrâwe
van V.V. de Schäöpkes van ’t Groenewoud uutgeroope.
’t És Miranda van Horne, 58 jaor, dochter van Cor en Diny van Horne – Louwers.
Getrawdj met Eric Munnichs. Gruuëtse mooder van twieë zuuëns Rik en Bas en bonusmooder van Jasper.
Same woeëne ze oppe Maasgouwstraot 10 op Groenewoud.
In ’t daagliks laeve hêlptj ze meinig wîcht aan 'n zwumdiploma beej dun Ieëzere Mân
Klommeldj gaer inne tropische hoof en knaptj meubelkes op. Daonaeve veertj ze fanatiek Vastelaovendj met de Klôngelbôkse en de Lambieck Knoup.
De Landvrâwe hieët de orde van “Orde van 't wêrrem bad” ingesteldj en same mét adjedânten Esther van Berkel en Irene Bors, gieët ze de vastelaovendj vuuër ônger heur devies:
“Met hieël völ lôl, plezeer en gooje zin, duike vae de Vastelaovendj in”.
De Landvrâwe wînsj edereîn ‘ne gewêldjige vastelaovendj mét völ lôl en plezeer!!