Ónger groeëte belangstelling és op zaoterdig 25 november 2023 de nowwe Landhieër 2024 van V.V. de Schäöpkes van ’t Groenewoud uutgerope.

’t És Marco van der Putten, 40 jaor, zoeën van Loek en Ine van der Puttenen breurke van Tamara. 
Getrawdj mét Kim van der Putten - Kessels. Gruuëtse vader van Glenn en boorebroed 2023 Senna.
Same woeëne ze oppe Nedermaaslaan 30.

In ’t daagliks laeve wêrkzaam beej graasj Winters as werkplaatschef.
Zien hobbies zeen darten, formule ein kieke, en op ziene tiêd e pilske drînke.

Same mét zien adjedânten Stefan, Patrick en Nick gieët hae de vastelaovendj vuuër ônger zien devies: Ich légk mien gereîdschap en piêle noow aanne kânt, want dieëze vastelaovendj haoj ich de scepter inne hând”.

Umdet de Landhieër sluuëteldj en gaer dartj, hieët hae de orde van “’t Dartendje automonteurke” ingesteldj.

De Landhieër wînsj edereîn ‘ne gewêldjige vastelaovendj mét völ lôl en plezeer!!