In ’t Groenewoud es zaoterdig 29 november op ’t Lemkesbâl in ’n gezellig en sfeervôl Gemeenschapshuis Groenewoud de körsvörse Jeugdpreenses van V.V. De Schäöpkes uutgeroope. ’t Es de 11 jaorige Elin Jungheim, dochter van Chantal Clerx en Dennis Jungheim. Same met mam, Kris, broor Tygo, hoond Binky en poes Luna woeëntj het oppe Slotstraot.

En deenkdje noow Elin? Det keumt mich bekintj vuuër. Det kloptj! Elin waas aafgeloûpe jaor Jeugdboorin beej V.V. de Schäöpkes. Mer dit jaor gieët het alleîn vuuërop. De twieë adjudântes di-j Jeugdpreenses Elin I met dieës drökke daag beej zölle staon zeen zien vriendinnekes Isa Backus en Charlie Vorenhout

Het es lieërlinge in groep 8 aan SBO ’t Palet. Zien hobbies zeen neteurlik Vastelaovundj veere, Just Dance, giebele met zien vriendinnekes en chille beej Opa Jo. Mer ’t allerleefst deut ’t tenieëlspuuële. Zoeë es Elin tot zien orde gekaome.

Zien orde ès: “de Orde van ’t vrolikke tenieël spuuëlerke”

Het zâl de jeugd in ’t Groenewoud vuuërgaon ònger zien devies

  “Ich spuuël noow de rol van mien laeve,

En gaon same met uch de Vastelaovundj belaeve”

Jeugdpreenses Elin I weensj eederein “unne gooje Vastelaovundj”